VITILIGO AMASUNG NOVALE CORONAVIRUS

Houjik houjik prithibi pumbada eikhoi mioiba jatina tamthiraba Covid 19 gi pandemic ki laichat akiba ga loinana mayoknari. Mio lakh kaya amana ashibagi khayata takhara amadi mioiba crore kaya amana laina sina nari. Laichat ashi athubagi matamda maipakna lakshan ba ngamgani haibasi mami samli. Anouba vaccines kaya ama paksanna kappa houre amadi virus sibu ningthijana lakshinba ngamlagani haibagi thajabadi lei. Adumakpu virus ashi na thokhanliba pandemic ashi lakshanba ngamlabasu, virus ashimakti eikhoigi erakta adum sagonana matam sangna leikhigani haina lounei. Matam matamgi oina vaccination darkar oigani habasina houjik phaoubagi scientific oiba warolni.

Pandemic ashina maram oiduna, mio amaga mio amagagi marakta infection/ lounaba yabagi changsi yamna wangbana maram oiduna, mioibagi punshi mahing da yamna chaona ahongba leire. Eikhoigi khunaida kari thoklagaba haina akibana pik thanna amadi Health care system da yamna chaona cheitheng piri. Mapham kayada Covid 19 gi laichatna maram oiduna, mahousagi health care system fail oihanba phaoba thokli. Atopa masagi oiba laina kaya amadi matam matamgi oiba laichat kaya ama hospital singda natraga doctor sing gi manakta chatuna layengnabagi upaising pulap lepaga pangkhak oiri. Covid 19 na hena tangai phadana lumna loubana maram oiduna, atopa Covid 19 nataba,serious oiba anaba kaya ama layengnabagi khudong chaba phangdabadagi, awaba kaya khangnari amadi layenghoudana sikhiba kaya amasuni.

Ashigumba tamthiraba khudong chadaba mayamsigi marakta Vitiligo patient kayamasu yaori. Laibak phabana, Vitiligo gi anaba ashidi hakchangi nungi oiba phibhamda, amadi laiongsina athu akai thokhanba gi waphamdi leite. Matam khara thengtharaga layengba natraga doctor singi manakta matam chana chatuna check up touba ngamdabagi khudong chadabadi chaona lei. Mahousana Vitiligo patient sing gi marakta lainasina pukning wakhal nungngaihandaba amadi samajgi mirak tinningdabagi /lapthokningba gi echel amada adum eroinari. Phibham ashi makti leina ashina anabadugi sakh chu,kuchu kumengi phibhamda, unshada ngouthorakpa amasung marang marang tourakpa ashina oihanlakpani. Mashigi mathakta, Vitiligo di lounaganba leinani haina lanna thajanabagi wakhanlonsu eikhoi gi marakta adum leiri. Maram ashina Covid 19 pandemic ki kiraba tanphamsida, Vitiligo patient sing gi oiba toptopa psychological stress ama adum loinahali.Stress masamaksina vitiligo hena sandoknabagi machak ama oiba yai.

Covid 19 ki lainadi masa asonba amadi masagi laina leijaba misingdana(co morbidity amasung immune suppressive conditions) hena sathina nahanli amadi sibagi changsu atopa singdagi henli. Matangsida hangliba waphamdi, Vitiligo gi laina ashi autoimmune condition amana oihanlakpa maramna,Vitiligo patient singda, Covid 19 na infection touba yabagi chang amasung hena kanna nabagi chang oihanba yabagi maram leibara haibasini. Achumba makti mashimak nate. Vitiligo patient sing da immune system da ahongba leirabasu(abnormality), madumakna immune sonthahanba nate, henadum immune functions seranana mapangal kankhathanduna, unshagi kuchu semliba “Melanocytes” cell sing da tainaduna, ashigumba cell sing ashi masa sontharakpa amasung sihankhibadagi Vitiligo oihanlakpani. Masagi oiba atopa mahik matai ngakthoknab immune gi pambeida ahongba leite. Maram ashina Vitiligo na maram oiraga sadharan mioibadagi Covid 19 hena naba yabagi wapham leite.

Mathangda Vitiligo gi layeng pathapna maram oiraga Covid 19 hena nahanabagi machak oibara haibagi wahang lakli. Vitiligo gi layengbada sijinariba upai singsi kanglup mari thokna khannaba yai madudi.. a) anaba maphamda teinanaba, cream, ointment, lotion na chingba, b) Chananaba tablet, capsule sing, c) Light treatments-Ultra violet-maru oina NBUVB amasung Excimer laser na anaba mapha singdu yaiba, d) Operation procedures.

Unshada vitiligo gi damak hidak teiba amadi light ki system sing na Covid 19 lounahanba yabagi changda atopa singa khenaba amata leite. Hanagi hanagum adum chathabada akaiba leite.Operation gi procedures di matam khara yeithokpana phei, maram di, mi amaga mi amaga gi marakta matam sangna close contac ki wapham lei. Laibak thibadagi khanghoudabadagi(infected oiba yaoramlabadi) amaga amaga virus transmission oihanba yai. Hiram simakti Covid 19 screening touthoklaga chathaba yarabasu, athuba mak natrabadi matam khara thengthaba na (mipum ayamba vaccine kaplaba amadi virus transmission na nemlaba matam)hena aphaba oigani. Mathangda, Vitiligo gi damak sijanariba tablets sing ashi ayambana Steroids natraga immune suppressive agents(methotrexate, azothiaprin, na chingba) na oiganli. Loinana supportives haibadi,antioxidants,multivitamins,mineral sing su sijanei. Supportive medicine singsidi Covid 19 ga chayetnaba amata leiroi.Vitiligo gi damak sijanariba steroids amadi immune suppressive medicines sing asi apikpa doses ngakta oina sijanei. Theoretical oina di ashigumba medicine singsina immune sonthahanabagi machak oiba yai adumakpu, tasengna sonthakhiduna Covid 19 leina laina changhali haiba gi report sing di thengnadari.Hiram ashimakti houjiki oina tasengba haibadi nganmanli. Matam khara yengsinduna ashengba khangbasu darkar oikhini. Maram ashina chingnaba koknanaba, layengliba doctor ga contact tounaba hotnabiyu amasung pedamic ashina maram oiraga contact toubagi khudongchaba phangdrabadi matam khara medicin makhal singsi lepthokpada, Vitiligo gi layengbada thoidokna athubagi oina ahong ba leiroi. Hoaujiki matamdadi Vitiligo gi damak hena powerful oiba immune modulators/immunosuppressants sing(JAK inhibitor na chingba) sijanare. Ashigumba hidaksingdi tangaiphadana sijinaba tarabadi, layenliba doctor ga sungsoi soidana tanabigadabani. Ashigumba medicine singdi khara hena sathina naraba Covid 19 patient layengbada su sijanari.

Dr. Karam Lokendro, MD